2025 Skiarena Horben

Im schöne Horbe stod en Skilift das esch klar,

ond det isch de Wisu scho lang en Star.

D'Familie Waser hed en mängs Johr ghägt,

ond met Liebi ond Herzbluet pflägt.

Chum häts Schnee gäh öber d'Nacht,

händ Sie die Piste gmacht in voller Pracht.

Met em Pistefahrzüg die ganz Nacht doregfahre,

und am Morge de Grillwage a Pisterand karred.

Denn mänge wo hüt erwachse esch,

häd im Horbe glehrt was Stemmboge fahre esch.

Öber all die Johr heds eifach emmer weniger gschneit,

wäge dem esch de Skilift aber no lange ned vergheit.

De Wisu wird halt äu ned jönger,

ond de Schnee im Horbe werd leider eifach emmer dönner.

Drom bliebt de Lift in Zukunft stoh,

ond d'Familie Waser chan äntlech mol i d'Ferie goh.

Herzlichen Dank a d'Familie Waser för dä johrelangi Lift-Isatz.

Vielen herzlichen Dank an die Organisatoren, Wagenbauer und Helfer